Bashkimi për finale kurse Peja për barazim, sonte beteja e katërt gjysmëfinale

16:20 | 1 Maj 2025
D.H

Peja e pret në “Karagaç” sonte Bashkimin në kuadër të gjysmëfinales së katërt në play-offin e Superligës së Kosovës në basketboll.

Ndeshja nis nga ora 19:00, shkruan Arbresh.info.

Seria pas tri ndeshjeve është 2-1 në të mirë të Bashkimit dhe me një fitore ditën e sotme prizrenasit kualifikohen në finalen e madhe.

Teksa Peja me ndihmën e publikut vendos kërkon që serinë ta çoj në ndeshjen e pestë.

Sfida e parë mes këtyre dy skuadrave ka përfunduar 81-61, teksa dy duelet tjera kanë qenë më të ngushta. Në takimin e dytë pejanët fituan 84-79.

Përballja e tretë shkoi në vazhdime ku portokallezinjtë fituan 84-78.

Tashmë një finalist është përcaktuar dhe ata janë Trepça që mbrëmë shënuan fitoren e tretë ndaj Sigal Prishtinës. Mbetet të shihet sonte nëse Bashkimi do t’i bashkohet mitrovicasve apo finalisti do të përcaktohet të dielën në Prizren./Arbresh.info